ААТ «МНДПІ» плануе паказаць на выставе «MILEX-2019» мадэрнізаваны інфармацыйны цэнтр
Пачынаючы з 2016 года вядучымі спецыялістамі ААТ «МНДПІ» сумесна з заказчыкам – Міністэрства абароны Рэспублікі Беларусь – праводзілася праца па мадэрнізацыі рухомага інфармацыйнага цэнтра ІЦ-2006 да ўзроўню ІЦ-2006/1. У працы ўлічаны вопыт эксплуатацыі раней створаных тэхнічных сродкаў інфармацыйнага забеспячэння войск у палявых умовах і рэалізаваныя новыя функцыянальныя магчымасці.
У выніку быў кардынальна мадэрнізаваны ІЦ першага пакалення. Пры гэтым створаны практычна новы выраб, які адказвае задачам сённяшняга дня ІЦ-2006/1.
Па ацэнцы спецыялістаў па сваіх тэхнічных характарыстыках
ІЦ-2006/1 значна пераўзышоў ІЦ першага пакалення. У першую чаргу ў чатыры разы скараціўся час разгортвання. Высокая аператыўнасць дасягнутая, у тым ліку і дзякуючы ўсталёўцы спадарожнікавай антэны аўтаматычнага пазіцыяніравання САС-1200 (на папярэдняй мадэлі ўсталёўвалася антэна ручнога пазіцыяніравання). Спадарожнікавая антэна замацавана на аўтаматызаванай пад’ёмнай раме, здольнай у лічаныя хвіліны разгарнуць антэну, мае магчымасць вызначэння месцазнаходжання (геаграфічныя каардынаты, арыентацыя па баках свету, нахіл адносна Зямлі), аўтаматычнай настройкі на зададзены спадарожнік і аддаленага кіравання па лакальнай сетцы. Убудаваны DVD прыёмнік дазваляе захопліваць нясучую частату ў дыяпазоне 950-2150 МГц з патокам да 50 Мсімв/сек. Фармат DVB-S або S2 вызначаецца аўтаматычна.
Ва ўдасканаленам ІЦ колькасць аўтаматызаваных месцаў павялічана з 2 да 3, прадугледжана магчымасць падключэння да кабельных сетак, сеткам тэлефоннай і гучнагаворачай сувязі, а таксама падключэнне апаратуры сувязі КХ- і УКХ- дыяпазону.
ІЦ-2006/1 мае ў складзе абсталяванне для спадарожнікавага прыёму тэлебачання і сувязі, спадарожнікавага Інтэрнэта, прыёму мясцовага эфірнага тэлебачання і FM радыёсігналаў.
Таксама ўжо ў штатным варыянце ўсталяваны шматфункцыянальны лазерны прынтар фармата А3+, і плотар паўнаколернага друку.
Усё асноўнае абсталяванне са складу вырабу кампактна размешчана ў аўтаматызаванай стойцы вышынёй 16U, ёсць магчымасць настройкі і кантролю стану праз веб-інтэрфейс, што дазваляе працаваць з абсталяваннем з любога з трох працоўных месц.
У выніку істотна пашыраны функцыянал мадэрнізаванага ІЦ-2006/1 і спектр задач, якія ён вырашае.
У цяперашні час комплекс праходзіць тыпавыя выпрабаванні на праверку функцыянавання, а ў 2019 годзе мадэрнізаваны ўзор рухомага інфармацыйнага цэнтра ІЦ-2006/1 плануецца да паказу на выставе «MILEX-2019» у Мінску.
Афіцыйная крыніца http://vpk.gov.by
